جَڏان جاني ميڏا جوان ٿيسي
آ ميڪڻ مِٺا مَهمان ٿيسي
ميڏي جِند ميڏي جان ٿيسي
پئي دِلڙي ول ول قُربان ٿيسي
ٻَهه آئيني دي اَڳو وال ڇَنڊيسي
نال ميڏي وَل حال وَنڊيسي
ميڏي مُحبت بيمِثال سَنڍيسي
روز پيا قيد ٿيوڻ دا اعلان ٿيسي
جَڏان جاني ميڏا جوان ٿيسي
سَڄڻ هي سُنهڻا گُلاب دا گُل
جِسم جاني دا ميڏي ڪائينات ڪُل
جان جاني دي پاڙي اِچ رَهسون ڄُل
نه وَڌ اِنهي ڪَنون ذاڪِر ميڏي زِبان ٿيسي
جَڏان جاني ميڏا جوان ٿيسي
مُنهن مُبارڪ مَهتاب هُوسي
سَچي مُحبت دي پاڪ ڪِتاب هوسي
هِڪ ٻي ڪون پئي چُمسون نَڪو حِساب هوسي
سَوا جاني دي نه ول ٻيا جو جَهان ٿيسي
جَڏان جاني ميڏا جوان ٿيسي
سِڪ ڪنون جو آ سيني مِلسي
مِل ميئن نل خوش ٿي کِلسي
کِل کِل پيا وَل رَلسي
ڏيکَڻ والا پيا حيران ٿيسي
جَڏان جاني ميڏا جوان ٿيسي
آ ميڪڻ مِٺا مهمان ٿيسي
ميڏي جِند ميڏي جان ٿيسي
پئي دِلڙي ول ول قُربان ٿيسي
جَڏان جاني ميڏا جوان ٿيسي
شاعر .... محمد جان زريناڻي
تارخ .... 25.3.2003
محمد جان زريناڻي
No comments:
Post a Comment
مهرباني ڪري تبصرو ڪريو