مان ڏِسان ٿو هوءِ ڏِسي ٿي
مان لُڇان ٿو هوءِ لُڇي ٿي
ماڻهُن کان وَڃي مُنهنجو پُڇي ٿي
ڪو ڪيئن چَوي پَر ڪانه ڪُڇي ٿي
اَنڌ مان ٿي روز اِشارا ڪَري
مِلڻ لئه مونسان وارا وارا ڪَري
اَڃان تائين آ ڪوري ڪُونواري
لَڳي جي دِل نه ڇِنبي ياري
جَڏَنهن ٿي هوءِ خُماريل نيڻ کَڻي
هَر اداءَ سان ٿي واه جو وَڻي
چَويءَ دِل پَئي ڀاڪُر ڀَرِيانس
عُمِر سَڄي لَئه پَنهنجو ڪَرِيانس
سامهُون ويهاري روز ڏِسانس
پَر ۾ ويهيءِ پيار جو پُڇانس
چَوانس هاءُ هاڻ تون ٻُڌائي
اُهو ڪَهڙو هو جادو اَلائي
جَنهن توکي بيتاب ڪَيو
نَه تو دُنيا جو حِساب ڪَيو
يا شايَد مون هو ڪو ثَواب ڪَيو
جَنهن جو مالِڪ واپَس جَواب ڪَيو
بَس رَهُه راضيءِ تون جانيءِ جَهان تي
آ رَکيل هوندو سارو حِساب آسمان تي
محمد جان زريناڻي 15.5.2003
محمد جان زريناڻي
