ڏِسو ڏِسو هوءِ بيٺي نِهاري ٿي
نِهارَڻ سان ٿي مونکي ماري
هوءِ ٿي ڪَري مَٿي پوتي جو پاند
لَڳي آ آخر هُن کي ڪَهڙي راند
هوءِ پَنهنجا پَئي صَدورا وار ٺاهي
ڏِسي مونڏي ٻانهُن جا هار ٺاهي
هوءِ ڏِس هاڻ آرَس به ڀَڳي اَٿَس
آخِر سِڪ ڪَنهن جي ته لَڳي اَٿَس
هُن جو چَهِرو چُمَڻ جَهڙو آ
مِٺي سَندو مُنهن مَکڻ جَهڙو آ
ماکيءِ وانگُر آ مَحبوب جي بات
شَل ٿِيئِس مُحمد جان سان مُلاقات
هُن جي سيني ۾ مُنهنجو ساهُ ڀَڙڪي
جيتَرو سوچان اوتَرو ٿي دِل ڌَڙڪي
هُن کي چَئجو يار حِساب ڪَري
دُنيان دو رَنگي جو حِجاب ڪَري
ڇَڏِي نه مونکي مُحِب وِساري
هُوءِ ڏِسو اَڃا به بيٺي نِهاري
No comments:
Post a Comment
مهرباني ڪري تبصرو ڪريو